إحنا مين؟

ماركتير أفندي

أهلا بك يا صديقي
اسمح لي قبل ما أعرفك بماركتير أفندي أحكيلك قصة قصيرة..
أنا عمرو الخولي، زمان أول ما بدأت طريقي في الماركتينج، الموضوع كان بالنسبالي صعب جدا، كان صعب في الجزئية الخاصة بالتعلم، وخاصة بسبب المصادر والكلام الكتير المنتشر عن المجال اللذيذ ده، وطبعا لو انت بدأت دراسة ومذاكرة في التسويق، هتكون فاهم قصدي كويس.

 وكمان كان أصعب في الجزئية الخاصة بالتطبيق العملي، هنطبق اللي بتعلمه ده ازاي وبأي طريقة؟

عشان كدا.. فكرة ماركتير أفندي بدأت تتبلور في دماغي في الفترة دي، فترة التشتت والتوهان

وصدقني لو قلتلك إن الهدف من ماركتير أفندي مكنش واضح من البداية، بس اللي حاولت أعمله واللي بعمله حاليا هو إني أشتغل على إن ماركتير أفندي يكون هو طريقي الخاص..
– طريقي اللي بتعلم فيه التسويق ومجالاته المتنوعة
– طريقي اللي بطبق فيه اللي بتعلمه

وبسبب إني عارف إني مش لوحدي اللي بيواجه المشاكل دي، فبدأت تظهر فكرة تانية وهي بدل ما ماركتير أفندي يكون نتاج شغلي أنا وبس.. فإيه اللي يمنع إني أفتح الباب للناس المهتمة برده بالمجال ده، وبتواجه نفس العقبات اللي بواجهها، ويمكن عقبات أكبر كمان
يعني عشان مطولش عليك أكتر من كدا..
تقدر تعتبر ماركتير أفندي هو المكان اللي موجود عشان إنت كمان تتعلم وتطبق اللي بتتعلمه بنفسك..

وتقدر طبعا تتواصل معايا عشان تشرفني وتنضم للأفندية عن طريق اللينك ده: انضم للأفندية

في انتظارك يا صديقي عشان المشوار لسه في أوله…

اتعرف على كل جديد في مجال الماركتينج

بنسعى دائما إننا نوفرلك أهم المقالات والمراجع اللي هتساعدك تتعلم التسويق والديجيتال ماركتينج بطريقة صحيحة.

اتعلم وطور من نفسك

بجانب المقالات والمواد التعليمية اللي هتفيدك في مجال شغلك في الماركتينج، تقدر تشترك في الكورسات اللي بنقدمها

بورتفوليو خاص بيك أونلاين

عن طريق انضمامك للأفندية هيكون ليك صفحة بورتفوليو خاصة، هيظهر فيها المحتوى بتاعك، وكمان تقدر تضيف فيها نماذج من شغلك.